Stasimon 6
Κλυταιμήστρα
θανάτῳ τείσας ἅπερ ἦρξεν.
[Choral 3]
ἀμηχανῶ φροντίδος στερηθεὶς
1530
ὅπα τράπωμαι, πίτνοντος οἴκου.
δέδοικα δʼ ὄμβρου κτύπον δομοσφαλῆ
τὸν αἱματηρόν· ψακὰς δὲ λήγει.
δίκην δʼ ἐπʼ ἄλλο πρᾶγμα θηγάνει βλάβης
1535
πρὸς ἄλλαις θηγάναισι μοῖρα.
ἰὼ γᾶ γᾶ, εἴθʼ ἔμʼ ἐδέξω,
πρὶν τόνδʼ ἐπιδεῖν ἀργυροτοίχου
δροίτης κατέχοντα χάμευναν.
1540
τίς ὁ θάψων νιν; τίς ὁ θρηνήσων;
ἦ σὺ τόδʼ ἔρξαι τλήσῃ, κτείνασʼ
ἄνδρα τὸν αὑτῆς ἀποκωκῦσαι
ψυχῇ τʼ ἄχαριν χάριν ἀντʼ ἔργων
1545
μεγάλων ἀδίκως ἐπικρᾶναι;
τίς δʼ ἐπιτύμβιον αἶνον ἐπʼ ἀνδρὶ θείῳ
ἀληθείᾳ φρενῶν πονήσει;
1550
