Stasimon 7
Ἀντιγόνη
μαίνεται γόοισι φρήν.
Ἰσμήνη
ἐντὸς δὲ καρδία στένει.
Ἀντιγόνη
ἰὼ ἰὼ πάνδυρτε σύ.
Ἰσμήνη
σὺ δʼ αὖτε καὶ πανάθλιε.
970
Ἀντιγόνη
πρὸς φίλου γʼ· ἔφθισο.
Ἰσμήνη
καὶ φίλον ἔκτανες.
Ἀντιγόνη
ἄχθεα τῶνδε τάδʼ ἐγγύθεν.
975
Ἰσμήνη
πέλας ἀδελφέʼ ἀδελφεῶν.
Χορός
ἰὼ Μοῖρα βαρυδότειρα μογερά,
μέλαινʼ Ἐρινύς, ἦ μεγασθενής τις εἶ.
Ἀντιγόνη
δυσθέατα πήματα —
Ἰσμήνη
ἔδειξεν ἐκ φυγᾶς ἐμοί.
Ἀντιγόνη
οὐδʼ ἵκεθʼ ὡς κατέκτανεν.
Ἰσμήνη
σωθεὶς δὲ πνεῦμʼ ἀπώλεσεν.
Ἀντιγόνη
ὤλεσε δῆτʼ ἄγαν.
985
Ἰσμήνη
καὶ τὸν ἐνόσφισεν.
Ἀντιγόνη
δύστονα κήδεʼ ὁμαίμονα.
Ἰσμήνη
δίυγρα τριπάλτων πημάτων.
990
Χορός
ἰὼ Μοῖρα βαρυδότειρα μογερά,
μέλαινʼ Ἐρινύς, ἦ μεγασθενής τις εἶ.
[Choral]
σὺ τοί νιν οἶσθα διαπερῶν—
Ἰσμήνη
σὺ δʼ οὐδὲν ὕστερος μαθών—
995
Ἀντιγόνη
ἐπεὶ κατῆλθες ἐς πόλιν,
Ἰσμήνη
δορός γε τῷδʼ ἀντηρέτας.
Ἀντιγόνη
δώμασι καὶ χθονί.
Ἰσμήνη
πρὸ πάντων δʼ ἐμοί.
Ἀντιγόνη
καὶ τὸ πρόσω γʼ ἐμοί.
Ἰσμήνη
ἰὼ ἰὼ δυστόνων κακῶν, ἄναξ.
1005
Ἀντιγόνη
ἰὼ πάντων πολυστονώτατοι.
Ἰσμήνη
ἰὼ ἰὼ δαιμονῶντες ἄτᾳ.
Ἀντιγόνη
ἰὼ ἰώ, ποῦ σφε θήσομεν χθονός;
Ἰσμήνη
ἰώ, ὅπου ʼσʼτι τιμιώτατον.
Ἀντιγόνη
ἰὼ ἰώ, πῆμα πατρὶ πάρευνον.
1010