Epeisodion 1
Χορός
μὴ πρὸς θεῶν κήρυκα τολμήσῃς θενεῖν.
Δημοφῶν
εἰ μή γʼ ὁ κῆρυξ σωφρονεῖν μαθήσεται.
Χορός
ἄπελθε· καὶ σὺ τοῦδε μὴ θίγῃς, ἄναξ.
Κῆρυξ
στείχω· μιᾶς γὰρ χειρὸς ἀσθενὴς μάχη.
ἥξω δὲ πολλὴν Ἄρεος Ἀργείου λαβὼν
275
πάγχαλκον αἰχμὴν δεῦρο. μυρίοι δέ με
μένουσιν ἀσπιστῆρες Εὐρυσθεύς τʼ ἄναξ
αὐτὸς στρατηγῶν· Ἀλκάθου δʼ ἐπʼ ἐσχάτοις
καραδοκῶν τἀνθένδε τέρμασιν μένει.
λαμπρὸς δʼ ἀκούσας σὴν ὕβριν φανήσεται
280
σοὶ καὶ πολίταις γῇ τε τῇδε καὶ φυτοῖς·
μάτην γὰρ ἥβην ὧδέ γʼ ἂν κεκτῄμεθα
πολλὴν ἐν Ἄργει, μή σε τιμωρούμενοι.
Δημοφῶν
φθείρου· τὸ σὸν γὰρ Ἄργος οὐ δέδοικʼ ἐγώ.
ἐνθένδε δʼ οὐκ ἔμελλες αἰσχύνας ἐμὲ
285
ἄξειν βίᾳ τούσδʼ· οὐ γὰρ Ἀργείων πόλει
ὑπήκοον τήνδʼ ἀλλʼ ἐλευθέραν ἔχω.
