Stasimon 8
[Episode]
ὦ παῖδες, ἀπεῖπεν ἐμοὶ κεῖνος
1760
Θησεύς
μήτε πελάζειν ἐς τούσδε τόπους
μήτʼ ἐπιφωνεῖν μηδένα θνητῶν
θήκην ἱεράν, ἣν κεῖνος ἔχει.
καὶ ταῦτά μʼ ἔφη πράσσοντα καλῶς
χώραν ἕξειν αἰὲν ἄλυπον.
1765
ταῦτʼ οὖν ἔκλυεν δαίμων ἡμῶν
χὠ πάντʼ ἀΐων Διὸς Ὅρκος.
Ἀντιγόνη
ἀλλʼ εἰ τάδʼ ἔχει κατὰ νοῦν κείνῳ,
ταῦτʼ ἂν ἀπαρκοῖ· Θήβας δʼ ἡμᾶς
τὰς ὠγυγίους πέμψον, ἐάν πως
1770
Θησεύς
δράσω καὶ τάδε καὶ πάνθʼ ὁπόσʼ ἂν
μέλλω πράσσειν πρόσφορά θʼ ὑμῖν
καὶ τῷ κατὰ γῆς, ὃς νέον ἔρρει,
1775
πρὸς χάριν· οὐ δεῖ μʼ ἀποκάμνειν.
Χορός
ἀλλʼ ἀποπαύετε μηδʼ ἐπὶ πλείω
πάντως γὰρ ἔχει τάδε κῦρος.