Eksodos
Οἰδίπους
μηδʼ ἐξισώσῃς τάσδε τοῖς ἐμοῖς κακοῖς.
ἀλλʼ οἴκτισόν σφας, ὧδε τηλικάσδʼ ὁρῶν
πάντων ἐρήμους, πλὴν ὅσον τὸ σὸν μέρος.
ξύννευσον, ὦ γενναῖε, σῇ ψαύσας χερί.
1510
σφῷν δʼ, ὦ τέκνʼ, εἰ μὲν εἰχέτην ἤδη φρένας,
πόλλʼ ἂν παρῄνουν· νῦν δὲ τοῦτʼ εὔχεσθέ μοι,
οὗ καιρὸς ἐᾷ ζῆν, τοῦ βίου δὲ λῴονος
ὑμᾶς κυρῆσαι τοῦ φυτεύσαντος πατρός.
Κρέων
ἅλις ἵνʼ ἐξήκεις δακρύων· ἀλλʼ ἴθι στέγης ἔσω.
1515
[Episode trochaic]
πειστέον, κεἰ μηδὲν ἡδύ.
Κρέων
πάντα γὰρ καιρῷ καλά.
Οἰδίπους
οἶσθʼ ἐφʼ οἷς οὖν εἶμι;
Κρέων
λέξεις, καὶ τότʼ εἴσομαι κλύων.
Οἰδίπους
γῆς μʼ ὅπως πέμψεις ἄποικον.
Κρέων
τοῦ θεοῦ μʼ αἰτεῖς δόσιν.
Οἰδίπους
ἀλλὰ θεοῖς γʼ ἔχθιστος ἥκω.
Κρέων
τοιγαροῦν τεύξει τάχα.
Οἰδίπους
φῂς τάδʼ οὖν;
1520
Κρέων
ἃ μὴ φρονῶ γὰρ οὐ φιλῶ λέγειν μάτην.
1520
Οἰδίπους
ἄπαγέ νύν μʼ ἐντεῦθεν ἤδη.
