Stasimon 3
[Choral 1]
Ἔρως ἀνίκατε μάχαν, Ἔρως, ὃς ἐν κτήμασι πίπτεις,
Χορός
ὃς ἐν μαλακαῖς παρειαῖς νεάνιδος ἐννυχεύεις,
φοιτᾷς δʼ ὑπερπόντιος ἔν τʼ ἀγρονόμοις αὐλαῖς·
785
καί σʼ οὔτʼ ἀθανάτων φύξιμος οὐδεὶς
οὔθʼ ἁμερίων σέ γʼ ἀνθρώπων. ὁ δʼ ἔχων μέμηνεν.
790
σὺ καὶ δικαίων ἀδίκους φρένας παρασπᾷς ἐπὶ λώβᾳ,
σὺ καὶ τόδε νεῖκος ἀνδρῶν ξύναιμον ἔχεις ταράξας·
νικᾷ δʼ ἐναργὴς βλεφάρων ἵμερος εὐλέκτρου
795
νύμφας, τῶν μεγάλων πάρεδρος ἐν ἀρχαῖς
θεσμῶν. ἄμαχος γὰρ ἐμπαίζει θεὸς Ἀφροδίτα.
800
[Choral]
νῦν δʼ ἤδη ʼγὼ καὐτὸς θεσμῶν
Χορός
ἔξω φέρομαι τάδʼ ὁρῶν ἴσχειν δʼ
οὐκέτι πηγὰς δύναμαι δακρύων,
τὸν παγκοίτην ὅθʼ ὁρῶ θάλαμον
τήνδʼ Ἀντιγόνην ἀνύτουσαν.
805
[Choral 1]
ὁρᾶτʼ ἔμʼ, ὦ γᾶς πατρίας πολῖται, τὰν νεάταν ὁδὸν
Ἀντιγόνη
στείχουσαν, νέατον δὲ φέγγος λεύσσουσαν ἀελίου,
κοὔποτʼ αὖθις. ἀλλά μʼ ὁ παγκοίτας Ἅιδας ζῶσαν ἄγει
810
ἀκτάν, οὔθʼ ὑμεναίων ἔγκληρον, οὔτʼ ἐπινύμφειός
πώ μέ τις ὕμνος ὕμνησεν, ἀλλʼ Ἀχέροντι νυμφεύσω.
815
[Choral]
οὐκοῦν κλεινὴ καὶ ἔπαινον ἔχουσʼ
Χορός
ἐς τόδʼ ἀπέρχει κεῦθος νεκύων,
οὔτε φθινάσιν πληγεῖσα νόσοις
οὔτε ξιφέων ἐπίχειρα λαχοῦσʼ,
820
ἀλλʼ αὐτόνομος ζῶσα μόνη δὴ
[Choral 1]
ἤκουσα δὴ λυγροτάταν ὀλέσθαι τὰν Φρυγίαν ξέναν
Ἀντιγόνη
Ταντάλου Σιπύλῳ πρὸς ἄκρῳ, τὰν κισσὸς ὡς ἀτενὴς
825
πετραία βλάστα δάμασεν, καί νιν ὄμβροι τακομέναν,
χιών τʼ οὐδαμὰ λείπει, τέγγει δʼ ὑπʼ ὀφρύσι παγκλαύτοις
830
δειράδας· ᾇ με δαίμων ὁμοιοτάταν κατευνάζει.
[Choral]
ἀλλὰ θεός τοι καὶ θεογεννής,
Χορός
ἡμεῖς δὲ βροτοὶ καὶ θνητογενεῖς.
835
καίτοι φθιμένῃ μέγα κἀκοῦσαι
τοῖς ἰσοθέοις σύγκληρα λαχεῖν.
ζῶσαν καὶ ἔπειτα θανοῦσαν.
[Choral 2]
οἴμοι γελῶμαι. τί με, πρὸς θεῶν πατρῴων.
Ἀντιγόνη
οὐκ οἰχομέναν ὑβρίζεις, ἀλλʼ ἐπίφαντον;
840
ὦ πόλις, ὦ πόλεως πολυκτήμονες ἄνδρες·
Θήβας τʼ εὐαρμάτου ἄλσος, ἔμπας ξυμμάρτυρας ὔμμʼ ἐπικτῶμαι,
845
οἵα φίλων ἄκλαυτος, οἵοις νόμοις
πρὸς ἕργμα τυμβόχωστον ἔρχομαι τάφου ποταινίου·
ἰὼ δύστανος, βροτοῖς οὔτε νεκροῖς κυροῦσα
850
μέτοικος οὐ ζῶσιν, οὐ θανοῦσιν.
[Choral 3]
προβᾶσʼ ἐπʼ ἔσχατον θράσους
Χορός
ὑψηλὸν ἐς Δίκας βάθρον
προσέπεσες, ὦ τέκνον, πολύ·
855
πατρῷον δʼ ἐκτίνεις τινʼ ἆθλον.
[Choral 2]
ἔψαυσας ἀλγεινοτάτας ἐμοὶ μερίμνας,
Ἀντιγόνη
πατρὸς τριπόλιστον οἶκτον τοῦ τε πρόπαντος
ἁμετέρου πότμου κλεινοῖς Λαβδακίδαισιν.
860
ἆται κοιμήματά τʼ αὐτογέννητʼ ἐμῷ πατρὶ δυσμόρου ματρός,
865
οἵων ἐγώ ποθʼ ἁ ταλαίφρων ἔφυν·
πρὸς οὓς ἀραῖος ἄγαμος ἅδʼ ἐγὼ μέτοικος ἔρχομαι.
ἰὼ δυσπότμων κασίγνητε γάμων κυρήσας,
870
θανὼν ἔτʼ οὖσαν κατήναρές με.
[Choral 3]
σέβειν μὲν εὐσέβειά τις,
Χορός
κράτος δʼ ὅτῳ κράτος μέλει
σὲ δʼ αὐτόγνωτος ὤλεσʼ ὀργά.
875
[Choral]
ἄκλαυτος, ἄφιλος, ἀνυμέναιος ταλαίφρων ἄγομαι
Ἀντιγόνη
τὰν πυμάταν ὁδόν. οὐκέτι μοι τόδε
τὸν δʼ ἐμὸν πότμον ἀδάκρυτον