Stasimon 3
[Choral 2]
ὦ πόλις, ὦ πόλεως πολυκτήμονες ἄνδρες·
Ἀντιγόνη
ἰὼ Διρκαῖαι κρῆναι
Θήβας τʼ εὐαρμάτου ἄλσος, ἔμπας ξυμμάρτυρας ὔμμʼ ἐπικτῶμαι,
845
οἵα φίλων ἄκλαυτος, οἵοις νόμοις
πρὸς ἕργμα τυμβόχωστον ἔρχομαι τάφου ποταινίου·
ἰὼ δύστανος, βροτοῖς οὔτε νεκροῖς κυροῦσα
850
μέτοικος οὐ ζῶσιν, οὐ θανοῦσιν.
[Choral 3]
προβᾶσʼ ἐπʼ ἔσχατον θράσους
Χορός
ὑψηλὸν ἐς Δίκας βάθρον
προσέπεσες, ὦ τέκνον, πολύ·
855
πατρῷον δʼ ἐκτίνεις τινʼ ἆθλον.
[Choral 2]
ἔψαυσας ἀλγεινοτάτας ἐμοὶ μερίμνας,
Ἀντιγόνη
πατρὸς τριπόλιστον οἶκτον τοῦ τε πρόπαντος
ἁμετέρου πότμου κλεινοῖς Λαβδακίδαισιν.
860
ἆται κοιμήματά τʼ αὐτογέννητʼ ἐμῷ πατρὶ δυσμόρου ματρός,
865
οἵων ἐγώ ποθʼ ἁ ταλαίφρων ἔφυν·
πρὸς οὓς ἀραῖος ἄγαμος ἅδʼ ἐγὼ μέτοικος ἔρχομαι.
ἰὼ δυσπότμων κασίγνητε γάμων κυρήσας,
870
θανὼν ἔτʼ οὖσαν κατήναρές με.
