Parodos
[Choral]
— Βᾶθι πρὸς εὐνὰς τὰς Ἑκτορέους.
Χορός
τίς ὑπασπιστῶν ἄγρυπνος βασιλέως,
— δέξαιτο νέων κληδόνα μύθων,
οἳ τετράμοιρον νυκτὸς φυλακὴν
5
πάσης στρατιᾶς προκάθηνται.
— ὄρθου κεφαλὴν πῆχυν ἐρείσας,
λῦσον βλεφάρων γοργωπὸν ἕδραν,
λεῖπε χαμεύνας φυλλοστρώτους,
Ἕκτορ· καιρὸς γὰρ ἀκοῦσαι.
10
Ἕκτωρ
τίς ὅδʼ; ἦ φίλιος φθόγγος· τίς ἀνήρ;
τίνες ἐκ νυκτῶν τὰς ἡμετέρας
κοίτας πλάθουσʼ; ἐνέπειν χρή.
Χορός
φύλακες στρατιᾶς.
15
φυλακὰς προλιπὼν κινεῖς στρατιάν,
εἰ μή τινʼ ἔχων νυκτηγορίαν;
οὐκ οἶσθα δορὸς πέλας Ἀργείου
20
κοίταν πανόπλους κατέχοντας;
[Choral 1]
— ὁπλίζου χέρα· συμμάχων,
Χορός
Ἕκτορ, βᾶθι πρὸς εὐνάς,
ὄτρυνον ἔγχος αἴρειν, ἀφύπνισον.
25
— πέμπε φίλους ἰέναι ποτὶ σὸν λόχον,
— τίς εἶσʼ ἐπὶ Πανθοΐδαν,
ἢ τὸν Εὐρώπας, Λυκίων ἀγὸν ἀνδρῶν;
— ποῦ δὲ γυμνήτων μόναρχοι
— ζεύγνυτε κερόδετα τόξα νευραῖς.
[Choral]
τὰ μὲν ἀγγέλλεις δείματʼ ἀκούειν,
Ἕκτωρ
τὰ δὲ θαρσύνεις, κοὐδὲν καθαρῶς.
35
ἀλλʼ ἦ Κρονίου Πανὸς τρομερᾷ
μάστιγι φοβῇ; φυλακὰς δὲ λιπὼν
κινεῖς στρατιάν. τί θροεῖς; τί σε φῶ
νέον ἀγγέλλειν; πολλὰ γὰρ εἰπὼν
οὐδὲν τρανῶς ἀπέδειξας.
40
[Choral 1]
— πύρʼ αἴθει στρατὸς Ἀργόλας,
Χορός
Ἕκτορ, πᾶσαν ἀνʼ ὄρφναν,
διειπετῆ δὲ ναῶν πυρσοῖς σταθμά.
πᾶς δʼ Ἀγαμεμνονίαν προσέβα στρατὸς
ἐννύχιος θορύβῳ σκηνάν,
45
βάξιν. οὐ γάρ πω πάρος ὧδʼ ἐφοβήθη
σοὶ δʼ, ὑποπτεύων τὸ μέλλον,
μήποτʼ ἐς ἐμέ τινα μέμψιν εἴπῃς.