Parodos
[Episode]
τίς, πόθεν γεγώς;
Ἀντιγόνη
αὔδασον, ὦ γεραιέ, τίς ὀνομάζεται;
Παιδαγωγός
οὗτος Μυκηναῖος μὲν αὐδᾶται γένος,
125
Λερναῖα δʼ οἰκεῖ νάμαθʼ, Ἱππομέδων ἄναξ.
Ἀντιγόνη
ἒ ἒ ὡς γαῦρος, ὡς φοβερὸς εἰσιδεῖν,
γίγαντι γηγενέτᾳ προσόμοιος
ἀστερωπὸς ἐν γραφαῖσιν, οὐχὶ πρόσφορος
Παιδαγωγός
τὸν δʼ ἐξαμείβοντʼ οὐχ ὁρᾷς Δίρκης ὕδωρ;
Ἀντιγόνη
ἄλλος ἄλλος ὅδε τευχέων τρόπος.
Παιδαγωγός
παῖς μὲν Οἰνέως ἔφυ
Τυδεύς, Ἄρη δʼ Αἰτωλὸν ἐν στέρνοις ἔχει.
Ἀντιγόνη
οὗτος ὁ τᾶς Πολυνείκεος,
135
ὦ γέρον, αὐτοκασιγνήτᾳ νύμφας
ὡς ἀλλόχρως ὅπλοισι, μειξοβάρβαρος.
Παιδαγωγός
σακεσφόροι γὰρ πάντες Αἰτωλοί, τέκνον,
λόγχαις τʼ ἀκοντιστῆρες εὐστοχώτατοι.
140
Ἀντιγόνη
σὺ δʼ, ὦ γέρον, πῶς αἰσθάνῃ σαφῶς τάδε;
