Kitap 1
4
nunc illud tantum quaeram, meritone tibi sit
4
suspectum genus hoc scribendi. Sulcius acer
4
ambulat et Caprius, rauci male cumque libellis,
4
magnus uterque timor latronibus; at bene siquis
4
et vivat puris manibus, contemnat utrumque.
4
ut sis tu similis Coeli Birrique latronum,
4
non ego sim Capri neque Sulci: cur metuas me?
4
nulla taberna meos habeat neque pila libellos,
4
quis manus insudet volgi Hermogenisque Tigelli,
4
nec recito cuiquam nisi amicis idque coactus,
4
non ubivis coramve quibuslibet. in medio qui
4
scripta foro recitent, sunt multi quique lavantes:
4
suave locus voci resonat conclusus. inanis
4
hoc iuvat, haud illud quaerentis, num sine sensu,
4
tempore num faciant alieno. ‘laedere gaudes’
4
inquit ‘et hoc studio pravus facis.’ unde petitum
4
hoc in me iacis? est auctor quis denique eorum,
4
vixi cum quibus? absentem qui rodit, amicum
4
qui non defendit alio culpante, solutos
4
qui captat risus hominum famamque dicacis,
