Metin
fama pudicitiae lanificaeque manus
coniugiique fides et natos cura regendi
5
et gravitas comis laetaque serietas.
aeternum placidos manes conplexa mariti,
viva torum quondam, functa fove tumulum.
CULTA mihi est pietas patre primum et matre vocatis,
dici set refugit tertius Arborius,
quem primum memorare nefas mihi patre secundo,
rursum non primum ponere paene nefas,
temperies adhibenda, et proximus ille vocandus1
5
ante alios, quamquam patre secundus erit.
tu frater genetricis et unanimis genitori,
et mihi qui fueris, quod pater et genetrix,
qui me lactantem, puerum iuvenemque virumque
artibus ornasti, quas didicisse iuvat —
10
te sibi Palladiae antetulit toga docta Tolosae,
te Narbonensis Gallia praeposuit,
ornasti cuius Latio sermone tribunal
et fora Hiberorum quaeque Novem populis,
hinc tenus Europam fama crescente petito
15
