107–108
Σωκράτης
ΣΩ. καὶ τοσοῦτον χρόνον ὅσον ἄμεινον;
35
Σωκράτης
ΣΩ. εἰ οὖν βουλεύοιντο Ἀθηναῖοι τίσιν χρὴ προσπαλαίειν καὶ τίσιν ἀκροχειρίζεσθαι καὶ τίνα τρόπον, σὺ ἄμεινον ἂν συμβουλεύοις ἢ ὁ παιδοτρίβης;
Ἀλκιβιάδης
ΑΛ. ὁ παιδοτρίβης δήπου.
Σωκράτης
ΣΩ. ἔχεις οὖν εἰπεῖν πρὸς τί ἂν βλέπων ὁ παιδοτρίβης συμβουλεύσειεν οἷς δεῖ προσπαλαίειν καὶ οἷς μή, καὶ ὁπότε καὶ ὅντινα τρόπον; λέγω δὲ τὸ τοιόνδε· ἆρα τούτοις δεῖ προσπαλαίειν οἷς βέλτιον, ἢ οὔ;
Σωκράτης
ΣΩ. ἆρα καὶ τοσαῦτα ὅσα ἄμεινον;
Σωκράτης
ΣΩ. οὐκοῦν καὶ τότε ὅτε ἄμεινον;
Σωκράτης
ΣΩ. ἀλλὰ μὴν καὶ ᾁδοντα δεῖ κιθαρίζειν ποτὲ πρὸς τὴν ᾠδὴν καὶ βαίνειν;
5
Σωκράτης
ΣΩ. οὐκοῦν τότε ὁπότε βέλτιον;
Σωκράτης
ΣΩ. καὶ τοσαῦθʼ ὅσα βέλτιον;
Σωκράτης
ΣΩ. τί οὖν; ἐπειδὴ βέλτιον μὲν ὠνόμαζες ἐπʼ ἀμφοτέροις, τῷ τε κιθαρίζειν πρὸς τὴν ᾠδὴν καὶ τῷ προσπαλαίειν, τί καλεῖς τὸ ἐν τῷ κιθαρίζειν βέλτιον, ὥσπερ ἐγὼ τὸ ἐν τῷ παλαίειν καλῶ γυμναστικόν· σὺ δʼ ἐκεῖνο τί καλεῖς;
Ἀλκιβιάδης
ΑΛ. οὐκ ἐννοῶ.
Σωκράτης
ΣΩ. ἀλλὰ πειρῶ ἐμὲ μιμεῖσθαι. ἐγὼ γάρ που ἀπεκρινάμην τὸ διὰ παντὸς ὀρθῶς ἔχον, ὀρθῶς δὲ δήπου ἔχει τὸ κατὰ τὴν τέχνην γιγνόμενον· ἢ οὔ;
