135
Σωκράτης
ΣΩ. τὸ δὲ κάλλιον πρεπωδέστερον;
Ἀλκιβιάδης
ΑΛ. πῶς δʼ οὔ;
Σωκράτης
ΣΩ. πρέπει ἄρα τῷ κακῷ δουλεύειν· ἄμεινον γάρ.
15
Σωκράτης
ΣΩ. δουλοπρεπὲς ἄρʼ ἡ κακία.
Σωκράτης
ΣΩ. ἐλευθεροπρεπὲς δὲ ἡ ἀρετή.
Σωκράτης
ΣΩ. οὐκοῦν φεύγειν χρή, ὦ ἑταῖρε, τὴν δουλοπρέπειαν;
Ἀλκιβιάδης
ΑΛ. μάλιστά γε, ὦ Σώκρατες.
Σωκράτης
ΣΩ. αἰσθάνῃ δὲ νῦν πῶς ἔχεις; ἐλευθεροπρεπῶς ἢ οὔ;
Ἀλκιβιάδης
ΑΛ. δοκῶ μοι καὶ μάλα σφόδρα αἰσθάνεσθαι.
Σωκράτης
ΣΩ. οἶσθʼ οὖν πῶς ἀποφεύξῃ τοῦτο τὸ περὶ σὲ νῦν; ἵνα μὴ ὀνομάζωμεν αὐτὸ ἐπὶ καλῷ ἀνδρί,
25
Ἀλκιβιάδης
ΑΛ. ἐὰν βούλῃ σύ, ὦ Σώκρατες.
Σωκράτης
ΣΩ. οὐ καλῶς λέγεις, ὦ Ἀλκιβιάδη.
Ἀλκιβιάδης
ΑΛ. ἀλλὰ πῶς χρὴ λέγειν;
30
Σωκράτης
ΣΩ. ὅτι ἐὰν θεὸς ἐθέλῃ.
Ἀλκιβιάδης
ΑΛ. λέγω δή. καὶ πρὸς τούτοις μέντοι τόδε λέγω, ὅτι κινδυνεύσομεν μεταβαλεῖν τὸ σχῆμα, ὦ Σώκρατες, τὸ μὲν σὸν ἐγώ, σὺ δὲ τοὐμόν· οὐ γὰρ ἔστιν ὅπως οὐ παιδαγωγήσω σε ἀπὸ τῆσδε τῆς ἡμέρας, σὺ δʼ ὑπʼ ἐμοῦ παιδαγωγήσῃ.
