Φίληβος

Bölümler

11–12 12 12–13 13–14 14 14–15 15–16 16–17 17 17–18 18–19 19 19 20 20–21 21–22 22 23 23–24 24–25 25 25–26 26–27 27 28 28–29 29–30 30 30–31 31–32 32–33 33 33–34 34 34–35 35–36 36 36–37 37–38 38 38–39 39–40 40 40–41 41–42 42 42–43 43–44 44–45 45 45–46 46–47 47 48 48–49 49–50 50 50–51 51 52 52–53 53–54 54 54–55 55–56 56 57 57–58 58–59 59 59–60 60–61 61–62 62 62–63 63–64 64 64–65 65–66 66–67 67

İngilizce Yunanca

55–56

Σωκράτης

ΣΩ. μὴ τοίνυν ἡδονῆς μὲν πάντως ἐξέτασιν πᾶσαν ἐπιχειρῶμεν ποιήσασθαι, νοῦ δὲ καὶ ἐπιστήμης οἷον φειδόμενοι σφόδρα φανῶμεν· γενναίως δέ, εἴ πῄ τι σαθρὸν ἔχει, πᾶν περικρούωμεν, ὡς ὅτι καθαρώτατόν ἐστʼ αὐτῶν φύσει, τοῦτο κατιδόντες εἰς τὴν κρίσιν χρώμεθα τὴν κοινὴν τοῖς τε τούτων καὶ τοῖς τῆς ἡδονῆς μέρεσιν ἀληθεστάτοις. 10

Πρώταρχος

ΠΡΩ. ὀρθῶς.

Σωκράτης

ΣΩ. οὐκοῦν ἡμῖν τὸ μὲν οἶμαι δημιουργικόν ἐστι τῆς περὶ τὰ μαθήματα ἐπιστήμης, τὸ δὲ περὶ παιδείαν καὶ τροφήν. ἢ πῶς;

Πρώταρχος

ΠΡΩ. οὕτως.

Σωκράτης

ΣΩ. ἐν δὴ ταῖς χειροτεχνικαῖς διανοηθῶμεν πρῶτα εἰ τὸ μὲν ἐπιστήμης αὐτῶν μᾶλλον ἐχόμενον, τὸ δʼ ἧττον ἔνι, καὶ δεῖ τὰ μὲν ὡς καθαρώτατα νομίζειν, τὰ δʼ ὡς ἀκαθαρτότερα.

Πρώταρχος

ΠΡΩ. οὐκοῦν χρή. 15

Σωκράτης

ΣΩ. τὰς τοίνυν ἡγεμονικὰς διαληπτέον ἑκάστων αὐτῶν χωρίς;

Πρώταρχος

ΠΡΩ. ποίας καὶ πῶς;

Σωκράτης

ΣΩ. οἷον πασῶν που τεχνῶν ἄν τις ἀριθμητικὴν χωρίζῃ καὶ μετρητικὴν καὶ στατικήν, ὡς ἔπος εἰπεῖν φαῦλον τὸ καταλειπόμενον ἑκάστης ἂν γίγνοιτο.

Πρώταρχος

ΠΡΩ. φαῦλον μὲν δή.

Σωκράτης

ΣΩ. τὸ γοῦν μετὰ ταῦτʼ εἰκάζειν λείποιτʼ ἂν καὶ τὰς αἰσθήσεις καταμελετᾶν ἐμπειρίᾳ καί τινι τριβῇ, ταῖς τῆς στοχαστικῆς προσχρωμένους δυνάμεσιν ἃς πολλοὶ τέχνας ἐπονομάζουσι, μελέτῃ καὶ πόνῳ τὴν ῥώμην ἀπειργασμένας.

Πρώταρχος

ΠΡΩ. ἀναγκαιότατα λέγεις.

Σωκράτης

ΣΩ. οὐκοῦν μεστὴ μέν που μουσικὴ πρῶτον, τὸ σύμφωνον ἁρμόττουσα οὐ μέτρῳ ἀλλὰ μελέτης στοχασμῷ, καὶ σύμπασα αὐτῆς αὐλητική, τὸ μέτρον ἑκάστης χορδῆς τῷ στοχάζεσθαι φερομένης θηρεύουσα, ὥστε πολὺ μεμειγμένον ἔχειν τὸ μὴ σαφές, σμικρὸν δὲ τὸ βέβαιον.

Πρώταρχος

ΠΡΩ. ἀληθέστατα.

Σωκράτης

ΣΩ. καὶ μὴν ἰατρικήν τε καὶ γεωργίαν καὶ κυβερνητικὴν καὶ στρατηγικὴν ὡσαύτως εὑρήσομεν ἐχούσας. 5

Πρώταρχος

ΠΡΩ. καὶ πάνυ γε.

← Önceki bölüm 55–56 · 1 / 1 Sonraki bölüm →

55–56

Şifre Yenileme