Φίληβος

Bölümler

11–12 12 12–13 13–14 14 14–15 15–16 16–17 17 17–18 18–19 19 19 20 20–21 21–22 22 23 23–24 24–25 25 25–26 26–27 27 28 28–29 29–30 30 30–31 31–32 32–33 33 33–34 34 34–35 35–36 36 36–37 37–38 38 38–39 39–40 40 40–41 41–42 42 42–43 43–44 44–45 45 45–46 46–47 47 48 48–49 49–50 50 50–51 51 52 52–53 53–54 54 54–55 55–56 56 57 57–58 58–59 59 59–60 60–61 61–62 62 62–63 63–64 64 64–65 65–66 66–67 67

İngilizce Yunanca

25–26

Πρώταρχος

ΠΡΩ. μανθάνω· φαίνῃ γάρ μοι λέγειν μειγνὺς ταῦτα γενέσεις τινὰς ἐφʼ ἑκάστων αὐτῶν συμβαίνειν.

Σωκράτης

ΣΩ. ὀρθῶς γὰρ φαίνομαι.

Πρώταρχος

ΠΡΩ. λέγε τοίνυν.

Σωκράτης

ΣΩ. ἆρα οὐκ ἐν μὲν νόσοις ἡ τούτων ὀρθὴ κοινωνία τὴν ὑγιείας φύσιν ἐγέννησεν;

Πρώταρχος

ΠΡΩ. παντάπασι μὲν οὖν.

Σωκράτης

ΣΩ. ἐν δὲ ὀξεῖ καὶ βαρεῖ καὶ ταχεῖ καὶ βραδεῖ, ἀπείροις οὖσιν, ἆρʼ οὐ ταὐτὰ ἐγγιγνόμενα ταῦτα· ἅμα πέρας τε ἀπηργάσατο καὶ μουσικὴν σύμπασαν τελεώτατα συνεστήσατο;

Πρώταρχος

ΠΡΩ. κάλλιστά γε.

Σωκράτης

ΣΩ. καὶ μὴν ἔν γε χειμῶσιν καὶ πνίγεσιν ἐγγενομένη τὸ μὲν πολὺ λίαν καὶ ἄπειρον ἀφείλετο, τὸ δὲ ἔμμετρον καὶ ἅμα σύμμετρον ἀπηργάσατο. 5

Πρώταρχος

ΠΡΩ. τί μήν;

Σωκράτης

ΣΩ. οὐκοῦν ἐκ τούτων ὧραί τε καὶ ὅσα καλὰ πάντα ἡμῖν γέγονε, τῶν τε ἀπείρων καὶ τῶν πέρας ἐχόντων συμμειχθέντων;

Πρώταρχος

ΠΡΩ. πῶς δʼ οὔ;

Σωκράτης

ΣΩ. καὶ ἄλλα γε δὴ μυρία ἐπιλείπω λέγων, οἷον μεθʼ ὑγιείας κάλλος καὶ ἰσχύν, καὶ ἐν ψυχαῖς αὖ πάμπολλα ἕτερα καὶ πάγκαλα. ὕβριν γάρ που καὶ σύμπασαν πάντων πονηρίαν αὕτη κατιδοῦσα ἡ θεός, ὦ καλὲ Φίληβε, πέρας οὔτε ἡδονῶν οὐδὲν οὔτε πλησμονῶν ἐνὸν ἐν αὐτοῖς, νόμον καὶ τάξιν πέρας ἔχοντʼ ἔθετο· καὶ σὺ μὲν ἀποκναῖσαι φῂς αὐτήν, ἐγὼ δὲ τοὐναντίον ἀποσῶσαι λέγω. σοὶ δέ, ὦ Πρώταρχε, πῶς φαίνεται;

Πρώταρχος

ΠΡΩ. καὶ μάλα, ὦ Σώκρατες, ἔμοιγε κατὰ νοῦν. 10

Σωκράτης

ΣΩ. οὐκοῦν τὰ μὲν δὴ τρία ταῦτα εἴρηκα, εἰ συννοεῖς.

Πρώταρχος

ΠΡΩ. ἀλλʼ οἶμαι κατανοεῖν· ἓν μὲν γάρ μοι δοκεῖς τὸ ἄπειρον λέγειν, ἓν δὲ καὶ δεύτερον τὸ πέρας ἐν τοῖς οὖσι· τρίτον δὲ οὐ σφόδρα κατέχω τί βούλει φράζειν.

← Önceki bölüm 25–26 · 1 / 1 Sonraki bölüm →

25–26

Şifre Yenileme