Thesauros › Edebiyat › Hitabet › In L. Calpurnium Pisonem

In L. Calpurnium Pisonem

←
In L. Calpurnium Pisonem Cicero, Marcus Tullius
LAT
Bölümler
fr1 – fr12 fr13 – 1 2 – 3 4 – 5 6 – 7 8 – 9 10 – 10 11 – 11 12 – 13 14 – 14 15 – 15 16 – 17 18 – 18 19 – 19 20 – 21 22 – 22 23 – 23 24 – 24 25 – 25 26 – 26 27 – 28 29 – 30 31 – 32 33 – 33 34 – 34 35 – 36 37 – 38 39 – 40 41 – 41 42 – 42 43 – 43 44 – 44 45 – 46 47 – 47 48 – 49 50 – 51 52 – 53 54 – 55 56 – 56 57 – 57 58 – 58 59 – 60 61 – 61 62 – 63 64 – 65 66 – 67 68 – 69 70 – 71 72 – 73 74 – 74 75 – 76 77 – 78 79 – 80 81 – 81 82 – 82 83 – 83 84 – 85 86 – 86 87 – 88 89 – 90 91 – 91 92 – 93 94 – 94 95 – 95 96 – 96 97 – 97 98 – 99
Latince
87 quid ego rerum capitalium quaestiones, reorum pactiones, redemptiones, acerbissimas damnationes, libidinosissimas liberationes proferam? tantum locum aliquem cum mihi notum esse senseris, tecum ipse licebit quot in eo genere et quanta sint crimina recordere. quid? illam armorum officinam ecquid recordaris, cum omni totius provinciae pecore compulso pellium nomine omnem quaestum illum domesticum paternumque renovasti? videras enim grandis iam puer bello Italico repleri quaestu vestram domum, cum pater armis faciendis tuus praefuisset. quid? vectigalem populi Romani provinciam, singulis rebus quaecumque venirent certo portorio imposito, servam tuis publicanis a te factam esse meministi? quid?
88 centuriatus palam venditos, quid? per tuum servolum ordines adsignatos, quid? stipendium militibus per omnis annos a civitatibus mensis palam propositis esse numeratum? quid? illa in Pontum profectio et conatus tuus, quid? debilitatio atque abiectio animi tui Macedonia praetoria nuntiata, cum tu non solum quod tibi succederetur sed quod Gabinio non succederetur exsanguis et mortuus concidisti, quid? quaestor aediliciis reiectis praepositus, legatorum tuorum optimus abs te quisque violatus, tribuni militares non recepti, M. Baebius, vir fortis, interfectus iussu tuo?
← Önceki 59 / 67 Sonraki →

Agora Sokakları

Symposion Agora CAT Silenos Khaire Kerameikos Yayınlar Angelos Keryks Skolia Sepet Docs

Üyelik

Dil ve Tema

Dil Seçimi
TR EN
Tema Seçimi