Κατά Κτησιφώντος

Bölümler

1 – 2 3 – 5 6 – 7 8 – 9 10 – 11 12 – 14 15 – 17 18 – 19 20 – 21 22 – 23 24 – 25 26 – 28 28 – 31 31 – 34 34 – 36 37 – 40 40 – 42 43 – 44 45 – 46 47 – 49 50 – 52 53 – 54 55 – 56 57 – 58 59 – 60 61 – 62 63 – 64 65 – 67 68 – 69 70 – 71 72 – 74 75 – 77 77 – 79 80 – 81 82 – 84 85 – 86 87 – 89 90 – 91 92 – 94 95 – 97 98 – 99 100 – 102 102 – 105 105 – 107 108 – 110 111 – 113 114 – 116 116 – 118 119 – 121 122 – 123 124 – 125 126 – 127 128 – 129 130 – 131 132 – 133 134 – 136 137 – 139 140 – 141 142 – 144 145 – 147 148 – 150 151 – 152 153 – 154 155 – 157 158 – 159 160 – 161 162 – 163 164 – 165 166 – 167 168 – 169 170 – 171 172 – 174 175 – 176 177 – 179 180 – 181 182 – 184 185 – 186 187 – 188 189 – 190 191 – 192 193 – 195 196 – 198 199 – 201 202 – 203 204 – 206 207 – 208 209 – 211 212 – 213 214 – 216 217 – 219 220 – 222 223 – 225 226 – 227 228 – 229 230 – 231 232 – 234 235 – 236 237 – 239 240 – 242 243 – 245 246 – 248 249 – 251 252 – 254 255 – 257 258 – 260

Yunanca Yunanca

82 κατιδόντες δʼ αὐτὸν οἱ τῇ τῆς πόλεως προσπολεμοῦντες ἡσυχίᾳ, ἄσμενοι παρεκάλουν ἐπὶ τὸ βῆμα, τὸν μόνον ἀδωροδόκητον ὀνομάζοντες τῇ πόλει· ὁ δὲ παριὼν ἀρχὰς αὐτοῖς ἐνεδίδου πολέμου καὶ ταραχῆς. οὗτός ἐστιν, ὦ ἄνδρες Ἀθηναῖοι, ὁ πρῶτος ἐξευρὼν Σέρριον τεῖχος καὶ Δορίσκον καὶ Ἐργίσκην καὶ Μυρτίσκην καὶ Γάνος καὶ Γανιάδα, Γανιάδα Franke [Harpocration]: Γανίδα MSS. χωρία ὧν οὐδὲ τὰ ὀνόματα ᾔδεμεν πρότερον. καὶ εἰς τοῦτο φέρων περιέστησε τὰ πράγματα, ὥστʼ εἰ μὲν μὴ πέμποι πρέσβεις Φίλιππος, καταφρονεῖν αὐτὸν ἔφη τῆς πόλεως, εἰ δὲ πέμποι, κατασκόπους πέμπειν, ἀλλʼ οὐ πρέσβεις.

83 εἰ δὲ ἐπιτρέπειν ἐθέλοι πόλει τινὶ ἴσῃ καὶ ὁμοίᾳ περὶ τῶν ἐγκλημάτων, οὐκ εἶναι κριτὴν ἴσον ἡμῖν ἔφη καὶ Φιλίππῳ. Ἁλόννησον ἐδίδου· ὁ δʼ ἀπηγόρευε μὴ λαμβάνειν, εἰ δίδωσιν, ἀλλὰ μὴ ἀποδίδωσι, περὶ συλλαβῶν διαφερόμενος. καὶ τὸ τελευταῖον στεφανώσας τοὺς μετὰ Ἀριστοδήμου εἰς Θετταλίαν καὶ Μαγνησίαν παρὰ τὰς τῆς εἰρήνης συνθήκας πρεσβεύσαντας, τὴν μὲν εἰρήνην διέλυσε, τὴν δὲ συμφορὰν καὶ τὸν πόλεμον κατεσκεύασεν.

84 ναί, ἀλλὰ χαλκοῖς καὶ ἀδαμαντίνοις τείχεσιν, ὡς αὐτός φησι, τὴν χώραν ἡμῶν ἐτείχισε, τῇ τῶν Εὐβοέων καὶ Θηβαίων συμμαχίᾳ. ἀλλά, ὦ ἄνδρες Ἀθηναῖοι, περὶ ταῦτα καὶ μέγιστα ἠδίκησθε καὶ μάλιστα ἠγνοήκατε. σπεύδων δʼ εἰπεῖν περὶ τῆς θαυμαστῆς συμμαχίας τῆς τῶν Θηβαίων, ἵνʼ ἐφεξῆς λέγω, περὶ τῶν Εὐβοέων πρῶτον μνησθήσομαι.

← Önceki 35 / 105 Sonraki →

Şifre Yenileme