κατὰ Μειδίου περὶ τοῦ Κονδύλου

Bölümler

1 – 3 4 – 6 7 – 8 9 – 10 11 – 13 14 – 16 17 – 19 20 – 22 23 – 25 26 – 29 30 – 32 33 – 35 36 – 38 39 – 41 42 – 44 45 – 46 47 – 49 50 – 52 53 – 55 56 – 58 59 – 60 61 – 62 63 – 65 66 – 68 69 – 71 72 – 73 74 – 76 77 – 79 80 – 82 83 – 86 87 – 89 90 – 93 93 – 95 95 – 97 98 – 100 101 – 103 104 – 105 106 – 107 108 – 110 111 – 113 114 – 117 118 – 119 120 – 121 122 – 124 125 – 127 128 – 130 131 – 133 134 – 136 137 – 140 141 – 143 144 – 146 147 – 149 150 – 152 153 – 155 156 – 158 159 – 161 162 – 165 166 – 168 169 – 171 172 – 174 175 – 177 178 – 181 182 – 183 184 – 185 186 – 188 189 – 191 192 – 195 196 – 198 199 – 202 203 – 204 205 – 206 207 – 209 210 – 212 213 – 216 217 – 219 220 – 222 223 – 226 227 – 227

İngilizce Yunanca

59 τοῦτον μετὰ τὴν ἀτυχίαν ταύτην ἐμισθώσατό τις φιλονικῶν χορηγὸς τραγῳδῶν, οἶμαι, Θεοζοτίδης. τὸ μὲν οὖν πρῶτον ἠγανάκτουν οἱ ἀντιχορηγοὶ καὶ κωλύσειν ἔφασαν, ὡς δʼ ἐπληρώθη τὸ θέατρον καὶ τὸν ὄχλον συνειλεγμένον εἶδον ἐπὶ τὸν ἀγῶνα, ὤκνησαν, εἴασαν, οὐδεὶς ἥψατο, ἀλλὰ τοσοῦτον τῆς εὐσεβείας ἐν ἑκάστῳ τις ἂν ὑμῶν ἴδοι τὸ συγκεχωρηκὸς ὥστε πάντα τὸν μετὰ ταῦτα χρόνον διδάσκει τοὺς χοροὺς καὶ οὐδὲ τῶν ἰδίων ἐχθρῶν οὐδεὶς κωλύει· τοσοῦτʼ ἀπέχει τῶν χορηγῶν.

60 ἄλλος ἐστὶν Ἀριστείδης Οἰνῇδος φυλῆς, ἠτυχηκώς τι καὶ οὗτος τοιοῦτον, ὃς νῦν μὲν καὶ γέρων ἐστὶν ἤδη καὶ ἴσως ἥττων χορευτής, ἦν δέ ποθʼ ἡγεμὼν τῆς φυλῆς κορυφαῖος. ἴστε δὲ δήπου τοῦθʼ ὅτι τὸν ἡγεμόνʼ ἂν ἀφέλῃ τις, οἴχεται ὁ λοιπὸς χορός. ἀλλʼ ὅμως πολλῶν χορηγῶν φιλονικησάντων, οὐδεὶς πώποτε τοῦτʼ εἶδε τὸ πλεονέκτημα, οὐδʼ ἐτόλμησε τοῦτον ἐξαγαγεῖν οὐδὲ κωλῦσαι· διὰ γὰρ τὸ δεῖν αὐτὸν ἐπιλαβόμενον τῇ χειρὶ τοῦτο ποιῆσαι καὶ μὴ προσκαλέσασθαι πρὸς τὸν ἄρχοντʼ ἐξεῖναι, ὥσπερ ἂν εἰ ξένον τις ἐξαγαγεῖν ἐβούλετο, ἅπας τις ὤκνει τῆς ἀσελγείας ταύτης αὐτόχειρ ὀφθῆναι γιγνόμενος.

← Önceki 21 / 78 Sonraki →

Şifre Yenileme