Παναθηναικός

Bölümler

1 – 4 5 – 7 8 – 10 11 – 13 14 – 16 17 – 20 21 – 23 24 – 27 28 – 30 31 – 34 35 – 38 39 – 42 42 – 45 46 – 48 49 – 52 53 – 55 56 – 59 60 – 63 64 – 67 68 – 71 72 – 75 76 – 78 79 – 81 82 – 85 86 – 88 89 – 91 92 – 95 96 – 98 99 – 102 103 – 105 106 – 109 110 – 113 114 – 116 117 – 120 121 – 123 124 – 126 127 – 130 131 – 133 134 – 136 137 – 139 140 – 142 143 – 144 145 – 147 148 – 150 151 – 154 155 – 157 158 – 160 161 – 163 164 – 166 167 – 169 170 – 173 174 – 177 178 – 180 181 – 183 184 – 187 188 – 191 192 – 195 196 – 198 199 – 202 203 – 205 206 – 209 210 – 213 214 – 217 218 – 221 222 – 225 226 – 228 229 – 232 233 – 235 236 – 238 239 – 241 242 – 244 245 – 247 248 – 250 251 – 253 254 – 256 257 – 259 260 – 262 263 – 266 267 – 270 271 – 272

İngilizce İngilizce

239 ἐν ἀρχῇ μὲν οὖν οὕτω μοι φαίνει τάξαι καὶ βουλεύσασθαι περὶ αὐτῶν, εἰδὼς δὲ σαυτὸν ἐπῃνεκότα τὴν Σπαρτιατῶν διοίκησιν ὡς οὐδεὶς ἄλλος, φοβεῖσθαι τοὺς ἀκηκοότας, μὴ δόξῃς ὅμοιος εἶναι τοῖς λέγουσιν ὅ τι ἂν τύχωσι καὶ τούτους νῦν ψέγειν οὓς πρότερον ἐπῄνεις μᾶλλον τῶν ἄλλων· ταῦτʼ ἐνθυμηθεὶς σκοπεῖσθαι ποίους τινὰς ἂν ἑκατέρους εἶναι φήσας ἀληθῆ τε λέγειν δόξειας περὶ ἀμφοτέρων, ἔχοις τʼ ἂν τοὺς μὲν προγόνους ἐπαινεῖν, οὕσπερ βούλει, Σπαρτιατῶν δὲ δοκεῖν μὲν κατηγορεῖν τοῖς ἀηδῶς πρὸς αὐτοὺς διακειμένοις, μηδὲν δὲ ποιεῖν τοιοῦτον ἀλλὰ λανθάνειν ἐπαινῶν αὐτούς·

240 ζητῶν δὲ τὰ τοιαῦτα ῥᾳδίως εὑρεῖν λόγους ἀμφιβόλους καὶ μηδὲν μᾶλλον μετὰ τῶν ἐπαινούντων ἢ τῶν ψεγόντων ὄντας, ἀλλʼ ἐπαμφοτερίζειν δυναμένους καὶ πολλὰς ἀμφισβητήσεις ἔχοντας, οἷς χρῆσθαι περὶ μὲν συμβολαίων καὶ περὶ πλεονεξίας ἀγωνιζόμενον αἰσχρὸν καὶ πονηρίας οὐ μικρὸν σημεῖον, περὶ δὲ φύσεως ἀνθρώπων διαλεγόμενον καὶ πραγμάτων καλὸν καὶ φιλόσοφον.

241 οἷός περ ὁ λόγος ὁ διαναγνωσθείς ἐστιν, ἐν ᾧ πεποίηκας τοὺς μὲν σοὺς προγόνους εἰρηνικοὺς καὶ φιλέλληνας καὶ τῆς ἰσότητος τῆς ἐν ταῖς πολιτείαις ἡγεμόνας, Σπαρτιάτας δʼ ὑπεροπτικοὺς καὶ πολεμικοὺς καὶ πλεονέκτας, οἵους περ αὐτοὺς εἶναι πάντες ὑπειλήφασιν. τοιαύτην δʼ ἑκατέρων ἐχόντων τὴν φύσιν, τοὺς μὲν ὑπὸ πάντων ἐπαινεῖσθαι καὶ δοκεῖν εὔνους εἶναι τῷ πλήθει, τοῖς δὲ τοὺς μὲν πολλοὺς φθονεῖν καὶ δυσμενῶς ἔχειν,

← Önceki 70 / 80 Sonraki →

Şifre Yenileme