Παναθηναικός

Bölümler

1 – 4 5 – 7 8 – 10 11 – 13 14 – 16 17 – 20 21 – 23 24 – 27 28 – 30 31 – 34 35 – 38 39 – 42 42 – 45 46 – 48 49 – 52 53 – 55 56 – 59 60 – 63 64 – 67 68 – 71 72 – 75 76 – 78 79 – 81 82 – 85 86 – 88 89 – 91 92 – 95 96 – 98 99 – 102 103 – 105 106 – 109 110 – 113 114 – 116 117 – 120 121 – 123 124 – 126 127 – 130 131 – 133 134 – 136 137 – 139 140 – 142 143 – 144 145 – 147 148 – 150 151 – 154 155 – 157 158 – 160 161 – 163 164 – 166 167 – 169 170 – 173 174 – 177 178 – 180 181 – 183 184 – 187 188 – 191 192 – 195 196 – 198 199 – 202 203 – 205 206 – 209 210 – 213 214 – 217 218 – 221 222 – 225 226 – 228 229 – 232 233 – 235 236 – 238 239 – 241 242 – 244 245 – 247 248 – 250 251 – 253 254 – 256 257 – 259 260 – 262 263 – 266 267 – 270 271 – 272

İngilizce İngilizce

131 κατεστήσαντο γὰρ δημοκρατίαν οὐ τὴν εἰκῇ πολιτευομένην, καὶ νομίζουσαν τὴν μὲν ἀκολασίαν ἐλευθερίαν εἶναι, τὴν δʼ ἐξουσίαν ὅ τι βούλεταί τις ποιεῖν εὐδαιμονίαν, ἀλλὰ τὴν τοῖς τοιούτοις μὲν ἐπιτιμῶσαν, ἀριστοκρατίᾳ δὲ χρωμένην· ἣν οἱ μὲν πολλοὶ χρησιμωτάτην οὖσαν ὥσπερ τὴν ἀπὸ τῶν τιμημάτων ἐν ταῖς πολιτείαις ἀριθμοῦσιν, οὐ διʼ ἀμαθίαν ἀγνοοῦντες, ἀλλὰ διὰ τὸ μηδὲν πώποτʼ αὐτοῖς μελῆσαι τῶν δεόντων.

132 ἐγὼ δὲ φημὶ τὰς μὲν ἰδέας τῶν πολιτειῶν τρεῖς εἶναι μόνας, ὀλιγαρχίαν, δημοκρατίαν, μοναρχίαν, τῶν δʼ ἐν ταύταις οἰκούντων ὅσοι μὲν εἰώθασιν ἐπὶ τὰς ἀρχὰς καθιστάναι καὶ τὰς ἄλλας πράξεις τοὺς ἱκανωτάτους τῶν πολιτῶν καὶ τοὺς μέλλοντας ἄριστα καὶ δικαιότατα τῶν πραγμάτων ἐπιστατήσειν, τούτους μὲν ἐν ἁπάσαις ταῖς πολιτείαις καλῶς οἰκήσειν καὶ πρὸς σφᾶς αὐτοὺς καὶ πρὸς τοὺς ἄλλους·

133 τοὺς δὲ τοῖς θρασυτάτοις καὶ πονηροτάτοις ἐπὶ ταῦτα χρωμένους, καὶ τῶν μὲν τῇ πόλει συμφερόντων μηδὲν φροντίζουσιν, ὑπὲρ δὲ τῆς αὑτῶν πλεονεξίας ἑτοίμοις οὖσιν ὁτιοῦν πάσχειν, τὰς δὲ τούτων πόλεις ὁμοίως οἰκήσεσθαι ταῖς τῶν προεστώτων πονηρίαις· τοὺς δὲ μήθʼ οὕτω μήθʼ ὡς πρότερον εἶπον, ἀλλʼ ὅταν μὲν θαρρῶσι, τούτους μάλιστα τιμῶντας, τοὺς πρὸς χάριν λέγοντας, ὅταν δὲ δείσωσιν, ἐπὶ τοὺς βελτίστους καὶ φρονιμωτάτους καταφεύγοντας, τοὺς δὲ τοιούτους ἐναλλὰξ τοτὲ μὲν χεῖρον τοτὲ δὲ βέλτιον πράξειν.

← Önceki 38 / 80 Sonraki →

Şifre Yenileme