Περὶ ἀντιδόσεως

Bölümler

1 – 3 4 – 6 7 – 9 10 – 12 13 – 16 17 – 19 20 – 23 24 – 27 28 – 30 31 – 33 34 – 37 38 – 41 42 – 45 46 – 48 49 – 52 53 – 55 56 – 59 60 – 63 64 – 68 69 – 73 74 – 76 77 – 80 81 – 84 85 – 88 89 – 92 93 – 96 97 – 99 100 – 102 103 – 105 106 – 108 109 – 112 113 – 116 117 – 119 120 – 122 123 – 126 127 – 129 130 – 132 133 – 136 137 – 140 141 – 143 144 – 146 147 – 150 151 – 153 154 – 157 158 – 160 161 – 164 165 – 168 169 – 172 173 – 175 176 – 179 180 – 183 184 – 186 187 – 189 190 – 192 193 – 196 197 – 200 201 – 204 205 – 208 209 – 213 214 – 217 218 – 221 222 – 225 226 – 230 231 – 234 235 – 238 239 – 242 243 – 246 247 – 249 250 – 252 253 – 255 256 – 258 259 – 262 263 – 266 267 – 270 271 – 274 275 – 277 278 – 281 282 – 285 286 – 289 290 – 292 293 – 296 297 – 300 301 – 304 305 – 307 308 – 311 312 – 315 316 – 319 320 – 323

İngilizce İngilizce

259 περὶ ὧν δυνηθείην μὲν ἂν ἴσως διαλεχθῆναι πολὺ πικρότερον ἢ ʼκεῖνοι περὶ ἡμῶν, οὐδέτερον δʼ οἶμαι δεῖν, οὔθʼ ὅμοιος γίγνεσθαι τοῖς ὑπὸ τοῦ φθόνου διεφθαρμένοις, οὔτε ψέγειν τοὺς μηδὲν μὲν κακὸν τοὺς συνόντας ἐργαζομένους, ἧττον δʼ ἑτέρων εὐεργετεῖν δυναμένους. οὐ μὴν ἀλλὰ μικρά γε μνησθήσομαι περὶ αὐτῶν, μάλιστα μὲν ὅτι κἀκεῖνοι περὶ ἡμῶν, ἔπειθʼ ὅπως ἂν ὑμεῖς σαφέστερον εἰδότες τὴν δύναμιν αὐτῶν οὕτω διακέησθε πρὸς ἑκάστους ἡμῶν ὥσπερ δίκαιόν ἐστι,

260 πρὸς δὲ τούτοις ἵνα καὶ τοῦτο ποιήσω φανερόν, ὅτι περὶ τοὺς πολιτικοὺς λόγους ἡμεῖς ὄντες, οὓς ἐκεῖνοί φασιν εἶναι φιλαπεχθήμονας, πολὺ πραότεροι τυγχάνομεν αὐτῶν ὄντες· οἱ μὲν γὰρ ἀεί τι περὶ ἡμῶν φλαῦρον λέγουσιν, ἐγὼ δʼ οὐδὲν ἂν εἴποιμι τοιοῦτον, ἀλλὰ ταῖς ἀληθείαις χρήσομαι περὶ αὐτῶν.

261 ἡγοῦμαι γὰρ καὶ τοὺς ἐν τοῖς ἐριστικοῖς λόγοις δυναστεύοντας καὶ τοὺς περὶ τὴν ἀστρολογίαν καὶ τὴν γεωμετρίαν καὶ τὰ τοιαῦτα τῶν μαθημάτων διατρίβοντας οὐ βλάπτειν ἀλλʼ ὠφελεῖν τοὺς συνόντας, ἐλάττω μὲν ὧν ὑπισχνοῦνται, πλείω δʼ ὧν τοῖς ἄλλοις δοκοῦσιν.

262 οἱ μὲν γὰρ πλεῖστοι τῶν ἀνθρώπων ὑπειλήφασιν ἀδολεσχίαν καὶ μικρολογίαν εἶναι τὰ τοιαῦτα τῶν μαθημάτων· οὐδὲν γὰρ αὐτῶν οὔτʼ ἐπὶ τῶν ἰδίων οὔτʼ ἐπὶ τῶν κοινῶν εἶναι χρήσιμον, ἀλλʼ οὐδʼ ἐν ταῖς μνείαις οὐδὲνα χρόνον ἐμμένειν ταῖς τῶν μαθόντων διὰ τὸ μήτε τῷ βίω παρακολουθεῖν μήτε ταῖς πράξεσιν ἐπαμύνειν, ἀλλʼ ἔξω παντάπασιν εἶναι τῶν ἀναγκαίων.

← Önceki 72 / 88 Sonraki →

Şifre Yenileme