Τέχνη τακτική

Bölümler

argument.chap_heads – 1.1 1.2 – 1.2 1.3 – 2 2.1 – 2.3 2.4 – 2.6 2.7 – 2.8 2.9 – 2.9 2.10 – 3.1 3.2 – 3.5 3.6 – 4.3 4.4 – 5.1 5.2 – 6.2 6.3 – 7.1 7.2 – 7.3 7.4 – 7.5 7.6 – 7.6 7.7 – 7.7 7.8 – 7.9 7.10 – 10 10.1 – 10.3 10.4 – 10.7 10.8 – 10.10 10.11 – 10.13 10.13 – 10.14 10.15 – 10.16 10.17 – 10.19 10.20 – 11 11.1 – 11.3 11.4 – 11.7 11.8 – 12.3 12.4 – 12.7 12.8 – 12.10 12.10 – 12.11 12.11 – 12.11

Yunanca

2.7 ὁπόσον δὲ δεῖ τὸ πλῆθος εἶναι τῆς φάλαγγος οὐκ εὔλογον διορίζειν· πρὸς γὰρ ἣν ἕκαστος ἔχει παρασκευὴν τοῦ πλήθους καὶ τὸν ἀριθμὸν διοριστέον, πλὴν ἐπιτήδειον ἑκάστοτε εἶναι δεῖ πρὸς τοὺς μετασχηματισμοὺς τῶν ταγμάτων, λέγω δὲ τὰς συναιρέσεις ἤτʼ αὐξήσεις· διʼ ὃ τοὺς ἀρτιάκις ἀρτίους μᾶλλον ἐκλεκτέον ὡς μέχρι μονάδος διαιρεῖσθαι δυναμένους· καὶ τούς γε πλείονας τῶν τακτικῶν εὑρήσεις πεποιηκότας τὴν φάλαγγα τῶν ὁπλιτῶν μυρίων ἑξακισχιλίων τριακοσίων ὀγδοήκοντα τεσσάρων, ὡς δίχα διαιρουμένην μέχρι μονάδος, ταύτης δὲ ἡμίσειαν τὴν τῶν ψιλῶν. ὑποκείσθω δʼ οὖν καὶ ἡμῖν τοσούτων ἀνδρῶν εἶναι τὴν φάλαγγα, τὸν δὲ λόχον ἑξκαίδεκα.

2.8 ἔσονται δὴ οἱ μὲν δύο λόχοι διλοχία καὶ ὁ ἐπʼ αὐτοῖς ἄρχων διλοχίτης, οἱ δὲ τούτων διπλάσιοι τετραρχία καὶ ὁ ἐπʼ αὐτοῖς τετράρχης, οἱ δὲ ἔτι τούτων διπλάσιοι τάξις καὶ ὁ ἡγεμὼν ταξίαρχος μὲν πάλαι, νῦν δὲ καὶ ἑκατοντάρχης, οἱ δὲ τῆς τάξεως διπλάσιοι σύνταγμα καὶ ὁ ἐπὶ τούτοις συνταγματάρχης.

← Önceki 6 / 34 Sonraki →

Şifre Yenileme