Kitap 31
49.4
ludi deinde a P. Cornelio Scipione, quos consul in Africa voverat, magno apparatu facti.
49.5
et de agris militum eius decretuml, decretum, ut, quot quisque eorum annos in Hispania aut in Africa militasset, in singulos annos bina iugera agri acciperet; eum agrum decemviri adsignarent.
49.6
triumviri item creati ad supplendum Venusinis colonorum numerum, quod bello Hannibalis attenuatae vires eius coloniae erant, C. Terentius Varro, T. Quinctius Flamininus, P. Cornelius Cn. f. Scipio. hi colonos Venusiam adscripserunt.
49.7
eodem anno C. Cornelius Cethegus, qui proconsul Hispaniam obtinebat, magnum hostium exercitum in agro Sedetano fudit. quindecim milia Hispanorum eo proelio dicuntur caesa, signa militaria capta octo et septuaginta.
49.8
C. Aurelius consul, cum ex provincia Romam comitiorum causa venisset, non id, quod animis praeceperant, questus est, non expectatum se ab senatu,
49.9
neque disceptandi cum praetore consuli potestatem factam, sed ita triumphum decresse senatum, ut nullius
49.10
nisi eius, qui triumphaturus esset, et non eorum, quim qui bello interfuissent, verba audiret.
49.11
maiores ideo instituisse, ut legati, tribuni, centuriones, milites denique triumpho adessent, ut testes rerum gestarum eius, cui tantus honos haberetur, populus Romanus videret. ecquem ex eo exercitu, qui cum Gallis pugnaverit, si non militem, lixam saltem filisse, fuisse, quem percunctari posset senatus, quid veri praetor vanive adferret?
