Kitap 25
33.9
retro quantum posset cedere statuit, in id omni cura intentus, necubi hosti aequo; se committeret loco, qui transgressus flumen prope vestigiis abeuntium insistebat.
34.1
per eosdem dies P. Scipionem par terror, periculum maius ab novo hoste urgebat.
34.2
Masinissa erat iuvenis, eo tempore socius Carthaginiensium, quemi quem deinde clarum potentemque Romana fecit amicitia. is tum cum equitatu Numidarum
34.3
et advenienti P. Scipioni occurrit et deinde adsidue dies noctesque infestus aderat,
34.4
ut non vagos tantum procul a castris lignatum pabulatumque progressos exciperet, sed ipsis obequitaret castris invectusque in medias saepe stationed stationes omnia ingenti tumultu turbaret.
34.5
noctibus quoque saepe incursu repentino in portis valloque trepidatum est, nec aut locus aut tempus ullum vacuum a metu ac sollicitudine erat Romanis,
34.6
compulsique intra vallum adempto rerum omnium usu. cum prope iusta obsidio esset futuramque artiorem ear eam appareret, si se Indibilis, quem cum septem milibus et quingentis Suessetanorum adventare fama erat, Poenis coniunxisset, dux cautus
34.7
et providens Scipio victus necessitatibus temerarium capit consilium, ut nocte Indibili obviam iret et, quocumque occurrisset loco, proelium consereret.
34.8
relicto igitur modico praesidio in castris praepositoque Ti. Fonteio legato media nocte profectus cum obviis hostibus manus conseruit.
