Kitap 1
57.9
ubi Lucretiam haudquaquam ut regias nurus, quas in convivio luxuque cum aequalibus viderant tempus terentes, sed nocte sera deditam lanae inter lucubrantes ancillas in medio aedium sedentem inveniunt. muliebris certaminis laus penes Lucretiam fuit.
57.10
adveniens vir Tarquiniique excepti benigne; victor maritus comiter invitat regios iuvenes. ibi Sex. Tarquinium mala libido Lucretiae per vim stuprandae capit;
57.11
cum forma tur tum spectata castitas incitat. et turn tum quidem ab nocturno iuvenali ludo in castra redeunt.
58.1
paucis interiectis diebus Sex. Tarquinius inscio Conlatino Collatino cum comite uno Collatiam venit.
58.2
ubi exceptus benigne ab ignaris consilii cum post cenam in hospitale cubiculum deductus esset, amore ardens, postquam satis tuta circa sopitique omnes videbantur, stricto gladio ad dormientem Lucretiam venit sinistraque manu mulieris pectore oppresso “tace, Lucretia” inquit; “Sex. Tarquinius sum; ferrum in manu est; moriere, si emiseris vocem.”
58.3
cum pavida ex somno mulier nullam opem, prope mortem inminentem videret, tur tum Tarquinius fateri amorem, orare, miscere precibus minas, versare in omnes partes muliebrem animum.
58.4
ubi obstinatam videbat et ne mortis quidem metu inclinari, addit ad metum dedecus: cum mortua iugulatum servum nudum positurum ait, ut in sordido adulterio necata dicatur.
