Economics

Bölümler

1.1 – 1.6 1.7 – 1.11 1.12 – 1.15 1.16 – 1.20 1.21 – 1.23 2.1 – 2.4 2.5 – 2.8 2.9 – 2.12 2.13 – 2.17 2.18 – 3.3 3.4 – 3.8 3.9 – 3.12 3.13 – 4.1 4.2 – 4.5 4.6 – 4.8 4.9 – 4.14 4.15 – 4.19 4.20 – 4.25 5.1 – 5.5 5.6 – 5.12 5.13 – 5.17 5.18 – 6.1 6.2 – 6.8 6.9 – 6.13 6.14 – 7.2 7.3 – 7.7 7.8 – 7.12 7.13 – 7.18 7.19 – 7.24 7.25 – 7.30 7.31 – 7.36 7.37 – 7.41 7.42 – 8.3 8.4 – 8.8 8.9 – 8.12 8.13 – 8.16 8.17 – 8.21 8.22 – 9.3 9.4 – 9.8 9.9 – 9.13 9.14 – 9.17 9.18 – 10.2 10.3 – 10.7 10.8 – 10.12 10.13 – 11.5 11.6 – 11.9 11.10 – 11.13 11.14 – 11.19 11.20 – 11.24 11.25 – 12.4 12.5 – 12.11 12.12 – 12.16 12.17 – 13.1 13.2 – 13.7 13.8 – 13.11 13.12 – 14.5 14.6 – 14.10 15.1 – 15.4 15.5 – 15.10 15.11 – 16.3 16.4 – 16.10 16.11 – 17.1 17.2 – 17.6 17.7 – 17.10 17.11 – 17.15 18.1 – 18.4 18.5 – 18.9 18.10 – 19.5 19.6 – 19.10 19.11 – 19.13 19.14 – 19.17 19.18 – 20.3 20.4 – 20.10 20.11 – 20.15 20.16 – 20.21 20.22 – 20.26 20.27 – 21.2 21.3 – 21.6 21.7 – 21.10 21.11 – 21.12

İngilizce Yunanca

3.4 τί οὖν, ἄν σοι, ἔφη, καὶ οἰκέτας αὖ ἐπιδεικνύω ἔνθα μὲν πάντας ὡς εἰπεῖν δεδεμένους, καὶ τούτους θαμινὰ ἀποδιδράσκοντας, ἔνθα δὲ λελυμένους καὶ ἐθέλοντάς τε ἐργάζεσθαι καὶ παραμένειν, οὐ καὶ τοῦτό σοι δόξω ἀξιοθέατον τῆς οἰκονομίας ἔργον ἐπιδεικνύναι; ναὶ μὰ Δίʼ, ἔφη ὁ Κριτόβουλος, καὶ σφόδρα γε.

3.5 ἂν δὲ καὶ παραπλησίους γεωργίας γεωργοῦντας, τοὺς μὲν ἀπολωλέναι φάσκοντας ὑπὸ γεωργίας καὶ ἀποροῦντας, τοὺς δὲ ἀφθόνως καὶ καλῶς πάντα ἔχοντας ὅσων δέονται ἀπὸ τῆς γεωργίας; ναὶ μὰ Δίʼ, ἔφη ὁ Κριτόβουλος. ἴσως γὰρ ἀναλίσκουσιν οὐκ εἰς ἃ δεῖ μόνον, ἀλλὰ καὶ εἰς ἃ βλάβην φέρει αὐτῷ καὶ τῷ οἴκῳ.

3.6 εἰσὶ μέν τινες ἴσως, ἔφη ὁ Σωκράτης, καὶ τοιοῦτοι. ἀλλʼ ἐγὼ οὐ τούτους λέγω, ἀλλʼ οἳ οὐδʼ εἰς τἀναγκαῖα ἔχουσι δαπανᾶν, γεωργεῖν φάσκοντες. καὶ τί ἂν εἴη τούτου αἴτιον, ὦ Σώκρατες; ἐγώ σε ἄξω καὶ ἐπὶ τούτους, ἔφη ὁ Σωκράτης· σὺ δὲ θεώμενος δήπου καταμαθήσῃ. νὴ Δίʼ, ἔφη, ἂν δύνωμαί γε.

3.7 οὐκοῦν χρὴ θεώμενον σαυτοῦ ἀποπειρᾶσθαι εἰ γνώσῃ. νῦν δʼ ἐγὼ σὲ σύνοιδα ἐπὶ μὲν κωμῳδῶν θέαν καὶ πάνυ πρῲ ἀνιστάμενον καὶ πάνυ μακρὰν ὁδὸν βαδίζοντα καὶ ἐμὲ ἀναπείθοντα προθύμως συνθεᾶσθαι· ἐπὶ δὲ τοιοῦτον οὐδέν με πώποτε ἔργον παρεκάλεσας. οὐκοῦν γελοῖός σοι φαίνομαι εἶναι, ὦ Σώκρατες.

3.8 σαυτῷ δὲ πολὺ νὴ Δίʼ, ἔφη, γελοιότερος. ἂν δὲ καὶ ἀφʼ ἱππικῆς σοι ἐπιδεικνύω τοὺς μὲν εἰς ἀπορίαν τῶν ἐπιτηδείων ἐληλυθότας, τοὺς δὲ διὰ τὴν ἱππικὴν καὶ πάνυ εὐπόρους ὄντας καὶ ἅμα ἀγαλλομένους ἐπὶ τῷ κέρδει; οὐκοῦν τούτους μὲν καὶ ἐγὼ ὁρῶ καὶ οἶδα ἑκατέρους, καὶ οὐδέν τι μᾶλλον τῶν κερδαινόντων γίγνομαι.

← Önceki 11 / 80 Sonraki →

Şifre Yenileme