Kitap 11
Plura adnectentem (neque enim satiauerat iras
dicendo) clamor turbat diuersa uolentum:
‘Si Libyae decus, haud ulli superabilis armis,
Hannibal est irae tibi, destituemus ad ipsas
uictorem metas nec opum adiumenta feremus,
605
inuidia unius sceptra ut iam parta retardet?’
inde alacres tribuunt quae belli posceret usus
absentique suum iactant sub teste fauorem.
mox eadem terris placitum traducere Hiberis,
dum malus obtrectat facta immortalia liuor
610
nec sinit adiutas ductoris crescere laudes.
