Kitap 6
sic ait, atque ambos aurata casside ditat.
920
tum generum, ne laudis egens, iubet ardua necti
tempora Thebarumque ingenti voce citari
victorem: dirae recinebant omnia Parcae.
Ipsum etiam proprio certamina festa labore
dignari et tumulo supremum hunc addere honorem
925
hortantur proceres ac, ne victoria desit
una ducum numero, fundat vel Lyctia cornu
tela rogant, tenui vel nubila transeat hasta,
obsequitur gaudens, viridique ex aggere in aecum
stipatus summis iuvenum descendit; at illi
930
pone leves portat pharetras et cornua iussus
armiger: ingentem iactu transmittere circum
eminus et dictae dare vulnera destinat orno.
Quis fluere occultis rerum neget omina causis?
fata patent homini, piget inservare, peritque
935
venturi praemissa fides: sic omina casum
fecimus, et vires hausit Fortuna nocendi.
Campum emensa brevi fatalis ab arbore tacta,
horrendum visu, per quas modo fugerat auras,
venit harundo retro versumque a fine tenorem
940
pertulit, et notae iuxta ruit ora pharetrae.
multa duces errore serunt: hi nubila et altos
occurrisse notos, adversi roboris ictu
tela repulsa alii. penitus latet exitus ingens
monstratumque nefa s: uni remeabile bellum
945
et tristes domino spondebat harundo recursus.
