Kitap 3
ignibus aeternis aeterni numina praesunt
Caesaris: imperii pignora iuncta vides,
di veteris Troiae, dignissima praeda ferenti,
qua gravis Aeneas tutus ab hoste fuit,
ortus ab Aenea tangit cognata sacerdos
425
numina: cognatum, Vesta, tuere caput!
quos sancta fovet ille manu, bene vivitis ignes:
vivite inextincti, flammaque duxque, precor.
Una nota est Marti Nonis, sacrata quod illis
templa putant lucos Vediovis ante duos.
430
Romulus ut saxo lucum circumdedit alto,
quilibet huc dixit confuge, tutus eris.
O quam de tenui Romanus origine crevit!
turba vetus quam non invidiosa fuit!
ne tamen ignaro novitas tibi nominis obstet,
435
disce, quis iste deus, curque vocetur ita.
Iuppiter est iuvenis: iuvenalis aspice voltus;
aspice deinde manum, fulmina nulla tenet,
fulmina post ausos caelum adfectare Gigantes
sumpta Iovi; primo tempore inermis erat.
440
