Kitap 2
illa loco nomen fecit, locus ipse Lupercis.
magna dati nutrix praemia lactis habet,
quid vetat Arcadio dictos a monte Lupercos?
Faunus in Arcadia templa Lycaeus habet.
nupta, quid expectas? non tu pollentibus herbis
425
nec prece nec magico carmine mater eris;
excipe fecundae patienter verbera dextrae,
iam socer optatum nomen habebit avi.
nam fuit illa dies, dura cum sorte maritae
reddebant uteri pignora rara sui.
430
quid mihi clamabat prodest rapuisse Sabinas,
Romulus (hoc illo sceptra tenente fuit)
‘si mea non vires, sed bellum iniuria fecit?
utilius fuerat non habuisse nurus.’
monte sub Esquilio multis incaeduus annis
435
Iunonis magnae nomine lucus erat.
huc ubi venerunt, pariter nuptaeque virique
suppliciter posito procubuere genu,
cum subito motae tremuere cacumina silvae
et dea per lucos mira locuta suos:
440
