Perde 4
[Textpart 3]
Iam tace. accepistin puerum tú ab hac?
nil moror praeterea. satis es fassa.
Tonstrix
Infitias non eo.
Callicles
Iam livorem verbo scapulis istoc concinnas tuis.
conveniunt adhuc utriusque verba.
Diniarchvs
Vae misero mihi,
mea nunc facinora aperiuntur, clam quae speravi fore.
795
Callicles
Loquere tu. qui dare te huic puerum iussit?
Callicles
Quid tu, cur eum accepisti?
Tonstrix
Era med oravit minor,
puer ut sibi ferretur eaque ut celarentur omnia.
Callicles
Loquere tu. quid eo fecisti puero?
Tonstrix
Ad meam eram detuli.
Callicles
Quid eo puero tua era fecit?
800
Tonstrix
Erae meae extemplo dedit.
800
Callicles
Quoi, malum, erae?
