Perde 4
[Textpart 3]
ceterum uxorem quam primum potest abduce ex aedibus.
Callicles
ego abeo. iam illi remittam nuntium adfini meo,
dicam ut aliam condicionem filio inveniat suo.—
Diniarchvs
At ego ab hac puerum reposcam, ne mox infitias eat;
850
nihil est, nám eapse ultro ut factumst fecit omnem rem palam.
sed nimium pol opportune éccam eapse egreditur foras.
ne ista stimulum longum habet, quae usque illinc cor pungit meum.
[Textpart 4]
Blitea et luteast meretrix nisi quae sapit in vino ad rem suam;
Phronesivm
si alia membra vino madeant, cor sit saltem sobrium.
855
nam mihi dividiaest, in tonstricem meam sic convictam male.
ea dixit, eum Diniarchi puerum inventum filium.
ubi id audivi, quám ego propere potui egressa huc sum foras.
Diniarchvs
Lubet adire quam penes est mea omnis res et liberi.
Phronesivm
Video eccum qui suis tutorem med optavit liberis.
Diniarchvs
Mulier, ad te sum profectus.
860
Phronesivm
Quid agitur, voluptas mea?
860
Diniarchvs
Non voluptas, aufer nugas, nil ego nunc de istac re ago.
Phronesivm
Scio mecastor quid velis ét quid postules et quid petas:
me videre vis, et me te a me ire postulas, puerum petis.
Diniarchvs
Di immortales, ut planiloqua est, paucis ut rem ipsam attigit.
