Perde 4
[Textpart 3]
Non placet qui in mutum culpam confert, qui non quit loqui.
Callicles
nam vinum si fabulari possit, se defenderet.
830
non vinum viris moderari, sed viri vino solent,
qui quidem probi sunt; verum qui improbust si quasi bibit
sive adeo caret temeto, tamen ab ingenio improbust.
Diniarchvs
Scio equidem quae nolo multa mi audienda ob noxiam.
ego tibi me obnoxium esse fateor culpae compotem.
835
Ancilla
Callicles, vide in quaéstione ne facias iniuriam:
reus solutus causam dicit, testis vinctos attines.
Callicles
Solvite istas. agite, abite tu domum et tu autem domum.
eloquere haec erae tu: puerum reddat, si quis eum petat.
Diniarchvs
Quid vis in ius me ire? tu es praetor mihi.
840
verum te obsecro, ut tuam gnatam des mi uxorem, Callicles.
Callicles
Eundem pol te iudicasse qui admisti eam rem intellego.
nam haud mansisti, dum ego darem illam: tute sumpsisti tibi.
nunc habeas ut nactu's nactus es . verum hoc ego te multabo bolo:
sex talenta magna dotis demam pro ista inscitia.
845
Diniarchvs
Bene agis mecum.
Callicles
Filium istinc tuom te meliust repetere.
