Perde 2
[Textpart 6]
tollere, ita dolet itaque ego † medulo, neque etiam queo
Phronesivm
pedibus mea sponte ambulare.
Stratophanes
Si hercle me ex medio mari
savium petere tuom iubeas, petere hau pigeat me, mel meum.
id ita esse experta es: nunc experiere, mea Phronesium,
me te amare. adduxi ancillas tibi eccas ex Suria duas,
530
is te dono. adduce hoc tu istas. sed istae reginae domi
suae fuerunt ambae, earum patriam ego excidi manu.
Phronesivm
Paenitetne te quot ancillas alam,
quin examen super adducas, quae mihi comedint cibum?
Stratophanes
Hoc quidem herclést ingratum donum. cedo tu mi istam purpuram.
535
mea voluptas, attuli eccam pallulam ex Phrygia tibi.
Phronesivm
Hocine mi ob labores tantos tantillum dari?
Stratophanes
Perii hercle ego miser. iam mi auro contra constat filius:
†etiam num mali pendit addit purpuram. ex Arabia tibi
attuli tus, Ponto amomum. tene tibi, voluptas mea.
540
Phronesivm
Accipe hoc, Astaphium, abduce hasce hinc e conspectu Suras.
Stratophanes
Ecquid amas me?
