Perde 3
[Textpart 3]
iam si opsignatas non feret, dici hoc potest,
Megaronides
apud pórtitorem eas resignatas sibi
inspectasque esse. in huius modi negotio
795
diem sermone terere segnities merast:
quam vis sermones possunt longi texier.
abi ad thensaurum iam confestim clanculum,
servos ancillas amove. atque audin?
Megaronides
Vxorem quoque eampse hanc rem uti celes face,
800
nam pol tacere numquam quicquamst quod queat.
quid nunc stas? quin tu hinc amoves et te moves?
aperi, deprome inde auri ad hanc rem quod sat est,
continuo operíto denuo; sed clanculum,
sicut praecepi; cunctos exturba aedibus.
805
Megaronides
At énim nimis lóngo sermone utimur,
diem conficimus quod iam properatost opus.
nihil est de signo quod vereare; me vide:
lepida est illa caúsa, ut commemoravi, dicere
apud pórtitores esse inspectas. denique
810
