Perde 2
[Textpart 2]
Poste autem advexit parasitos secum.
Gelasimvs
Ei, perii miser.
Gelasimvs
Revorram hercle hoc quod converri modo.
Panegyris
Vidistin virum sororis Pamphilum?
390
Pinacivm
Immo venisse eum simitu aiebat ille: ego huc citus
praecucurri, ut nuntiarem nuntium exoptabilem.
Gelasimvs
Venales logi sunt illi, quos negabam vendere.
ilicet, iam meo malost quod malevolentes gaudeant.
Hercules, qui deus sis, sane discessisti non bene.
395
Panegyris
I intro, Pinacium, iube fámulos rem divinam mi apparent.
Gelasimvs
Vin administrem?
Panegyris
Sat servorum habeo domi.—
Gelasimvs
Enim vero, Gelasime, opinor provenisti futtile,
si neque ille adest neque hic, qui venit, quicquam subvenit.
ibo intro ad libros et discam de dictis melioribus;
400
nam ni illos homines expello, ego occidi planissume.—
