Perde 2
[Textpart 2]
argentí aurique advexit nimium.
Gelasimvs
Nimis factum bene.
hercle vero capiam scopas atque hoc convorram lubens.
375
Pinacivm
Lanam purpuramque multam.
Gelasimvs
Em qui ventrem vestiam.
Pinacivm
Lectos eburatos, auratos.
Gelasimvs
Accubabo regie.
Pinacivm
Tum Babylonica et peristroma tonsilia et tappetia
advexit, nimium bonae rei.
Gelasimvs
Hercle rem gestam bene.
Pinacivm
Poste, ut occepi narrare, fidicinas, tibicinas,
380
sambucas advexit secum forma eximia.
quando adbibero, adludiabo: tum sum ridiculissumus.
Pinacivm
Poste unguenta multigenerum multa.
Gelasimvs
Non vendo logos.
iam non facio aúctionem, mi optigit hereditas:
malivoli, perquisitores auctionum, perierint.
385
Hercules, decumam esse adauctam tibi quam vovi gratulor.
spes est, tandem aliquando inportunam exigere ex utero famem.
