Perde 2
[Textpart 2]
alii piscis depurgate, quos piscatu rettuli,
Pinacivm
pernam et glandium deicite.
360
Gelasimvs
Hic hercle homo nimium sapit.
360
Panegyris
Non ecastor, ut ego opinor, satis erae morem geris.
Pinacivm
Immo res omnis relictas habeo prae quod tu velis.
Panegyris
Tum tu igitur, qua causa missus es ad portum, id expedi.
Pinacivm
Dicam. postquam me misisti ad portum, cum luci simul,
commodum radiosus sese sol superabat ex mari.
365
dum percontor portitores, ecquae navis venerit
ex Asia, negant venisse, conspicatus sum interim
cercurum, quo ego me maiorem non vidisse censeo.
in portum vento secundo, velo passo pervenit.
alius alium percontamur: quoiast navis? quid vehit?
370
interibi Epignomúm conspicio tuom virum et servom Stichum.
Panegyris
Hem quid? Epignomum elocutu's elocutus es ?
Panegyris
Tutin ipsus ipsum vidisti?
