Perde 1
[Textpart 2]
sed tamen volo intervisi. propera atque actutum redi.—
[Textpart 3]
Famem ego fuisse suspicor matrem mihi,
155
Gelasimvs
nam postquam natus sum, satur numquam fui.
neque quisquam melius referet matri gratiam
quam egó meae matri refero ínvitissimus.
neque rettulit, quam ego refero meae matri Fami.
nam illa me in alvo menses gestavit decem,
at ego illam in alvo gesto plus annos decem.
160
atque illa puerum me gestavit parvolum,
quo minus laboris cepisse illam existumo:
ego non pauxillulam in utero gesto famem,
verum hercle multo maximam et gravissimam;
uteri dolores mihi oboriuntur cotidie, †
165
sed matrem parere nequeo, nec quid agam scio.
atque auditavi saepe hoc volgo dicier,
solere elephantum gravidam perpetuos decem
esse annos; eius ex sémine haec certost fames,
nam iam complures annos utero haeret meo.
170
nunc si ridiculum hominem quaerat quispiam,
venalis ego sum cum ornamentis omnibus;
