Perde 5
[Textpart 2]
veneror te ut omnes miseri lenones sient.
Gripvs
Tamen fíet, etsi tu fidem servaveris.
1350
tu hic opperire, iam ego faxo exibit senex;
eum tú continuo vidulum reposcito.—
Labrax
Si maxime mi illum reddiderit vidulum,
non ego illi hodie debeo triobolum.
meus arbitratust, lingua quod iuret mea.
1355
sed conticiscam: eccum exit et ducit senem.
[Textpart 3]
Séquere hac.
Daemones
Vbi istic lenost?
Gripvs
Heus tu. ém tibi, hic habet vidulum.
Daemones
Habeo et fateor esse apud me, et, si tuos est, habeas tibi.
omnia, ut quídquid infuit, ita salva sistentur tibi.
Labrax
O di immortales, meus est. salve, vidule.
1360
Labrax
Rogitas? si quidem hercle Iovis fuit, meus est tamen.
Daemones
Omnia insunt salva; una istinc cistella excepta est modo
cum crepundiis, quibuscum hódie filiam inveni meam.
