Perde 3
[Textpart 4]
quom coniecturam egomet mecum facio, haec illast simia,
Daemones
quae has hirundines ex nido volt eripere ingratiis,
quod ego in somnis somniavi.
Trachalio
Scin quid tecum oro, senex?
ut illas serves, vim defendas, dúm ego erum adduco meum.
Daemones
Quaere erum atque adduce.
775
Daemones
Maximo malo suo,
775
si attigerit sive occeptassit.
Trachalio
Hunc quoque adserva ipsum, ne quo abitat; nam promisimus
carnufici aut talentum magnum aút hunc hodie sistere.
Daemones
Abi modo, ego dum hoc curabo recte.
Trachalio
Iam ego revenero.
[Textpart 5]
Vtrum tu, leno, cum malo lubentius
780
Daemones
quiescis an sic sine malo, si copiast?
Labrax
Ego quae tu loquere flocci non facio, senex.
meas quidem te invito et Venere et summo Iove
de ara capillo iam deripiam.
