Perde 1
[Textpart 2]
Si tu de illarum cenaturus vesperi es,
Daemones
illis curandum censeo, Sceparnio,
si apud me essurus, mihi darí operam volo.
Sceparnio
Bonum aequomque oras.
Daemones
Sequere me hac ergo.—
[Textpart 3]
Nimio hóminum fortunaé minus miseraé memorantur,
185
Palaestra
experiundo iis datur acerbum.
hoc deo cómplacitumst, me hoc órnatu ornatam ín incertas
regiónes timidam eiéctam.
hancíne ego ad rem natam ésse me miserám memorábo?
hancíne ego partem cápio ob píetatem praecípuam?
190
nam hóc mi haud labórist, labórem hunc potíri,
si érga paréntem aut deós me impiávi;
sed íd si paráte curávi ut cavérem,
tum hóc mi indecóre, iníque, inmodéste
datis, dí; nam quid habebúnt sibi signi ímpii posthac,
195
si ad húnc modum est innóxiis honór apud vos?
nam mé si sciam ín vos fecísse aut paréntis
sceléste, minus me míserer;
