Perde 1
[Textpart 2]
ut rem divinam faciat, aut hodie aut heri.
130
Daemones
Non hercle, adulescens, iam hos dies complusculos
quemquam istic vidi sacruficare, neque potest
clam me esse si qui sacruficat: semper petunt
aquam hinc aut ignem aut vascula aut cultrum aut veru
aut aulam extarem, aut aliquid—quid verbis opust?
135
Veneri paravi vasa et puteum, non mihi.
nunc intervallum iam hos dies multos fuit.
Plesidippvs
Vt verba praehibes, me periisse praedicas.
Daemones
Mea quidem hercle causa salvos sis licet.
Sceparnio
Heus tu, qui fana ventris causa circumis,
140
iubere meliust prandium ornari domi.
Daemones
Fortasse tu huc vocatus es ad prandium,
ille quí vocavit nullus venit?
Sceparnio
Nullumst periclum te hinc ire inpransum domum:
Cererem te meliust quam Venerem sectarier:
145
amori haec curat; tritico curat Ceres.
Plesidippvs
Deludificavit me illic homo indignis modis.
Daemones
Pro di immortales, quid illuc est, Sceparnio,
