Perde 5
Simo
Quíd, lubet? pérgin ructáre in os mihi?
1300
Psevdolvs
Suávis ructús mihi est. síc sine, Simo.
Simo
Credo équidem potesse té, scelus,
Mássici móntis ubérrumos quáttuor
frúctus ebíbere in hora úna.
Psevdolvs
Hiberna áddito.
Simo
Hau mále mones, sed díc tamen,
1305
únde onustám celocem ágere te praédicem?
Psevdolvs
Cúm tuo fílio pérpotaví modo.
séd, Simo, ut probe táctus Ballio est!
quaé tibi díxi, ut effécta reddidi!
Simo
Péssumu’s es homo.
1310
Psevdolvs
Mulier haec facit.
1310
cúm tuo fílio líbera accubat.
Simo
ómnia, ut quícque egisti, órdine scio.
Psevdolvs
Quíd ergo dubitas dáre mi argentum?
Simo
Iús petis, fateór. tene.
Psevdolvs
át negabás daturum ésse te mihi.
onera húnc hominem atque me cónsequere hac.
1315
