Perde 4
[Textpart 2]
Quem hanc misisse ad me autumas?
985
Simo
Nosce imaginem: tute eius nomen memorato mihi,
ut sciam te Ballionem esse ipsum.
Ballio
Cedo mi epistulam.
Simo
Accipe et cognosce signum.
Ballio
Oh, Polymachaeroplagides
purus putus est ipsus. novi. heus, Polymachaeroplagides
Simo
Scio iám me recte tibi dedisse epistulam,
990
postquam Polymachaeroplagidem elocutus nomen es.
Simo
Quod homo edepol fortis atque bellator probus.
sed propera hanc pellegere quaeso epistulam (ita negotium est),
atque accipere argentum actutum mulieremque emittere.
nam necessést hodie Sicyoni me esse aut cras mortem exsequi,
995
ita erus meus est imperiosus.
Ballio
Novi, notis praedicas.
Simo
Propera pellegere épistulam ergo.
Ballio
Id ago, si taceas modo.
milés lenoni Ballioni epistulam
