Perde 4
[Textpart 7]
dedit huic atque hominem exornavit, mulierem qui abduceret.
Ballio
nam illam epistulam ipsus verus Harpax huc ad me attulit.
Harpax
Harpax ego vocor, ego servos sum Macedonis militis;
ego nec sycophantiose quicquam ago nec malefice,
neque istum Pseudolum mortalis qui sit novi neque scio.
Simo
Tu, nisi mirumst, leno, plane perdidisti mulierem.
Ballio
Edepol ne istuc magis magisque metuo, quom verba audio.
mihi quoque edepol iamdudum ille Surus cor perfrigefacit,
1215
sumbolum qui ab hoc accepit. mira sunt ni Pseudolust.
eho tu, qua facie fuit, dúdum quoi dedisti sumbolum?
Harpax
Rufus quidam, ventriosus, crassis suris, subniger,
magno capite, acutis oculis, ore rubicundo, admodum
Ballio
Perdidisti, postquam dixisti pedes.
1220
Pseudolus fuit ipsus. actumst de me. iam morior, Simo.
Harpax
Hercle te hau sinam emoriri, nisi mi argentum redditur,
Simo
Atque etiam mihi aliae viginti minae.
Ballio
Auferen tu id praemium a me, quod promisi per iocum?
Simo
De improbis viris auferri praemium et praedam decet.
1225
