Perde 4
[Textpart 7]
noctu in vigiliam quando ibat miles, quom tu ibas simul,
1180
Ballio
conveniebatne in vaginam tuam machaera militis?
Harpax
I in malam crucem.
Ballio
Ire licebit tamen tibi hodie temperi.
Harpax
Quin tu mulierem mi emittis, aut redde argentum.
Ballio
Chlamydem hanc commemora quanti conductast.
Simo
Quid meret machaera?
1185
Harpax
Elleborum hisce hóminibus opus ést.
1185
Ballio
Quid mercedis petasus hodie domino demeret?
Harpax
Quid domino? quid somniatis? mea quidem haec habeo omnia,
Ballio
Nempe quod fémina summa sustinent.
Harpax
Vncti hi sunt senes, fricari sese ex antiquo volunt.
Ballio
Responde, opsecro hercle, vero serio hoc quod te rogo:
quid meres? quantillo argento te conduxit Pseudolus?
