Perde 4
[Textpart 5]
ego periurare me mavellem miliens,
Ballio
quam mi illum verba per deridiculum dare.
nunc deridebo hercle hominem, si convenero;
verum in pistrino credo, ut convenit, fore.
1060
nunc ego Simonem mi obviam veniat velim,
ut mea laetitia laetus promiscam siet.
[Textpart 6]
Viso quid rerum meus Vlixes egerit,
Simo
iamne habeat signum ex arce Ballionia.
Ballio
O fortunate, cedo fortunatam manum,
1065
Ballio
Nihil est quod metuas.
Simo
Quid est igitur boni?
Ballio
Minae viginti sanae et salvae sunt tibi,
hodie quas aps te est instipulatus Pseudolus.
