Perde 3
Ballio
quanti istuc unum me †coquinare perdoces?
Ballio
Vt te servem, ne quid surripias mihi.
Cocvs
Si credis, nummo; si non, ne mina quidem.
sed utrum tu amicis hodie an inimicis tuis
Ballio
Pol ego amicis scilicet.
Cocvs
Quin tuós inimicos potius quám amicos vocas?
880
nam ego ita convivis cenam conditam dabo
hodie atque ita suavi suavitate condiam:
ut quisque quicque conditum gustaverit,
ipsus sibi faciam ut digitos praerodat suos.
Ballio
Quaeso hercle, prius quam quoiquam convivae dabis,
885
gustato tute prius et discipulis dato,
ut praerodatis vostras furtificas manus.
Cocvs
Fortasse haec tu nunc mihi non credis quae loquor.
Ballio
Molestus ne sis, nimium iam tinnis; non taces?
em illíc ego habito. íntro abi et cenam coque.
890
