Perde 3
[Textpart 2]
quom hasce herbas huius modi in suom alvom congerunt,
Cocvs
formidulosas dictu, non essu modo.
quas herbas pecudes non edunt, homines edunt.
825
Ballio
Quid tu? divinis condimentis utere,
qui prorogare vitam possis hominibus,
qui ea culpes condimenta?
nam vel ducenos annos poterunt vivere
meas qui éssitabunt escas quas condivero.
830
nam egó cocilendrum quando in patinas indidi
aut cepolendrum aut maccidem aut secaptidem,
eaepse sese patinae fervefaciunt ilico.
haec ad Neptuni pecudes condimenta sunt:
terrestris pecudes cicimalindro condio,
835
hapalocopide aut cataractria.
dique omnes perdant cum condimentis tuis
cumque tuis istis omnibus mendaciis.
Ballio
Loquere, atque i in malam crucem.
